Fyrr í ár, bleiv konsertin sum Sebastian skuldi hava í Norðurlandahúsinum avlýst vegna øskurok úr Íslandi. Nú er greitt at fólkakæri danski trubadururin Sebastian kemur til Føroya. Konsertin verður mikudagin 19 august í Norðurlandahúsinum.
Sebastian hevur er í løtuni á konsertferð í Danmark. Allastaðni eru konsertirnar útseldar og fleiri eykakonsertir mugu fyriskipast.
Sebastian er nakað heilt serligt
Ein konsert við Sebastian er altíð eitt heilt serligt upplivilsi. Sebastian er ein framúr góður gittarleikari, hann hevur speisemið og sjálvironi og megnar kynstrið sum fáur at rúnarbinda áhoyraran. Hann dugir at fortelja eina søgu og hartil hevur hann skrivað nøkur fantastisk løg og góðar tekstir, hesi teljast millum til tey allbestu løgini sum nakar dani hevur skrivað í nýggjari tíð. Hansara løg hava gjøgnum tíðirnar havt ávirkan á nógv menniskju bæði danir og føroyingar. Hittini eru óteljandi. Harumframt hevur hann skrivað sangleikir, filmstónleik. Eitt nú sangleikin "Ronja Ránsmannadóttir", sum varð framførdur í Føroyum. Aðrir sangleikir eru Skattaøen og Pippi.
"Hitt omaná hitt"
Flestu tilkomin fólk munnu kennast við sangirnar "Du er ikke alene”, "Rose”, ”Den Lille Malkeko” "Romeo", ”Når Lyset Bryder Frem” , "Hodja fra Pjort", "Her er sang", "Måske ku vi", "Stille før storm" , ”80'ernes Boheme”, og man kundi haldið áfram í tað óendaliga.
Konsertin hjá Sebastian verður mikukvøldið 19 august, kl. 19.30 í Norðurlandahúsinum.
Eisini verður onkur serligur gestir við Sebastian hetta kvøldið - meira verður at frætta seinni.
Sebastian Heimasíða
|